SAGUTXOA ETA AMA OSO LASAI BIZI ZIREN. BAINA EGUN BATEAN SAGUTXOA ASPERTU ZEN ETA ETXETIK ALDE EGITEA PENTSATU ZUEN. HORRETARAKO, GAUEN ISIL-ISILIK MALETA BATEAN BERE JANTZIAK SARTU ZITUEN ETA AMA KONTURATU GABE ETXETIK IHES EGIN ZUEN.

    GAUEAN IBILI- IBILIAN ERREKATXO BATERA IRITSI ZEN ETA EGARRI ZEGOENEZ URA EDATEKO MAKURTU EGIN ZEN.
MUTURTXOA URETAN SARTU ORDUKO, PIZTI BATEK KOSKA EGIN ZION:

- AI, AI, ENE MUTURTXOA, MINA EGITEN DIDAZU, ASKATU, ASKATUUUU!

    GURE SAGUTXO GAJOA!, MINEZ, NEKATURIK, ETA BATEZ ERE GUZTIZ IZUTURIK ZEGOEN.

- ETA ORAIN ZER EGINGO DUT?. HEMEN EZIN DUT LORIK EGIN ETA GAINERA EZ DAKIT NON DAGOEN ETXEKO BIDEA.

    ETA HAU PENTSATU ORDUKO NEGAR BATEAN HASI ZEN:

- BUA!, BUAAA!.

SAGUTXOAREN NEGARRAK ERREKAKO MAITA- GARRIA ESNATU ZUEN:

- ZER DUZU SAGUTXO?

- ETXERA BUELTATU NAHI DUT ETA EZ DAKIT NON DAGOEN ETXEKO BIDEA, BUAAAA!.

- LASAI, ORAINGO HONETAN NIK LAGUNDUKO DIZUT BAINA AGINDU BEHAR DIDAZU EZ DUZULA ETXETIK BERRIRO ALDE EGINGO!.

- BAI, BAI, AGINTZEN DIZUT!.

    ORDUAN ERREKAKO MAITAGARRIAK ESKUA EMAN ZION SAGUTXOARI ETA ETXEKO ATARIRAINO LAGUNDU ZION.

    AMAK GAU OSOA PASA ZUEN SUKALDEAN AURRERA ETA ATZERA BERE BURUARI GALDEZKA:

- NON EGONGO OTE DA NIRE SAGUTXO MAITEA?. NORA JOAN OTE DA GAU ILUNEAN?.
- AZERIAK JAN OTE DU?.

    BAT-BATEAN ETXEKO ATARIAN ZARATA ENTZUN ZUEN, ZER OTE DEN IKUSTERA NOA!.

ETA ATEAREN AURREAN SAGUTXOA IKUSI ZUEN:

- ENE SAGUTXO MAITEA!, NON ZINEN?, ZATOZ MAITEA!, ORAINTXE BERTAN BAINERA BAT PRESTATUKO DIZUT, ETA GERO DEN -DENA KONTATUKO DIDAZU!.

    SAGUTXOA EZ ZUEN TXINTIK ESAN, AMAREN LEPOTIK ZINTZILIKATU ZEN ETA MUSU HANDIA EMAN ZION. BIAK ELKARREKIN ETXEAN SARTU ZIREN.